Grant Datblygu
Mae’r Grantiau Datblygu’n cyllido prosiectau sy’n datblygu chwaraeon a gweithgarwch corfforol yn y gymuned. Ein nod yw cael mwy o bobl i fod yn fwy egnïol yn amlach, felly mae cyllid ar gael i sefydlu prosiectau newydd neu godi safonau’r gweithgareddau cyfredol.
Mae grantiau sydd rhwng £1,001 a £25,000 ar gael ar gyfer prosiectau’n cynnwys cyfleusterau ar raddfa fechan, e.e. llifoleuadau, mannau gemau aml-ddefnydd, datblygu mannau hyfforddi a phrosiectau offer.
Mae grantiau ar gael hefyd ar gyfer prosiectau eithriadol flaengar sy’n cefnogi datblygiad pobl, hyfforddi a dulliau newydd o weithio – er enghraifft, grantiau sefydlu i gefnogi mentrau newydd.
Os yw eich prosiect angen llai na £1,000, dylech holi yn eich Swyddfa Ranbarthol am gynllun y Gist Gymunedol.
Sut i wneud cais – Cysylltwch â swyddfa ranbarthol agosaf Cyngor Chwaraeon Cymru, a fydd yn darparu gwybodaeth bellach i chi.
Fel dewis arall, gallwch lawrlwytho’r ffurflenni cais a gwybodaeth bellach o’r Adran Lawrlwytho ar gyfer Grantiau a Chyllid.
