Y Gist Gymunedol
Menter gan Gyngor Chwaraeon Cymru yw’r Gist Gymunedol ar gyfer chwaraeon a hamdden gorfforol cymunedol.
Mae’r Gist Gymunedol yn cynnig grantiau o hyd at £1,000 mewn unrhyw gyfnod o 12 mis ar gyfer gweithgareddau sy’n:
- Annog mwy o bobl i fod yn fwy egnïol yn amlach
- Codi safonau’r gweithgareddau presennol
Mae’r cynllun yn agored i unrhyw grŵp, ar yr amod bod ganddo gyfrif banc yn enw’r sefydliad.
Fel rheol, bydd y Gist Gymunedol yn ystyried yr holl gostau cysylltiedig â sicrhau bod prosiect yn llwyddiannus. Fel rheol, dim ond ar gyfer hyd at 20 o sesiynau y darperir cymorth grant i brosiect ac wedi hynny, mae disgwyl i brosiectau fod yn hunangynhaliol.
Er mwyn gwneud cais i’r Gist Gymunedol, dylech gyflwyno cais i Swyddog Cist Gymunedol eich Awdurdod Lleol. Gallwch lawrlwytho ffurflen gais o’n tudalen lawrlwytho.
Cyn i chi gwblhau’r ffurflen gais, gwnewch yn siwr eich bod yn edrych ar y ‘Deg Prif Awgrym’.
Ar gael yma mae dyddiadau panelau y Gist Gymunedol yn eich hardal chi.
BETH NAD YW’R CYNLLUN YN EI GEFNOGI:
Nid yw’r Gist Gymunedol yn agored i aelodau unigol o’r cyhoedd, ysgolion cynradd na chyrff cysylltiedig yn trefnu gweithgareddau ar gyfer plant, nac ysgolion uwchradd sy’n rhan o’r cynllun 5x60.
Hefyd, ni ellir cyllido’r gweithgareddau a ganlyn:
- Gweithgareddau corfforol fel garddio, DIY, gwelliannau amgylcheddol, dawns perfformiad neu sgiliau syrcas
- Gweithgareddau sy’n bodoli eisoes
- Gweithgareddau prif lif a gyllidir gan y llywodraeth ganolog neu llywodraeth leol
- Prosiectau a ystyrir fel rhai’n rhan o gostau rhedeg o ddydd i ddydd arferol y sefydliad.
Neu’r elfennau a ganlyn mewn prosiectau:
- Cefnogaeth ariannol i unigolion
- Eitemau personol o ddillad, offer neu git
- Costau gweinyddol parhaus
- Arlwyo a lletygarwch
- Medalau, tystysgrifau neu dlysau
- Teithiau cartref neu dramor
- Cyfnewid, atgyweirio neu gynnal a chadw parhaus ar offer presennol.
Os oes gennych unrhyw amheuaeth, cysylltwch â Swyddog Cist Gymunedol yn eich Awdurdod Lleol.
