All ymarfer wneud gwahaniaeth ?

Meddyliwch am aelod mwyaf brwd eich tîm. Yr un creadigol sy’n dod i’r gwaith bob dydd ac yn gallu canolbwyntio drwy’r amser. Yn llawn brwdfrydedd heintus, mae’n ffynhonnell ddiddiwedd o syniadau newydd.

Pe baech yn gallu potelu ei egni, oni fyddech chi’n ei ddosbarthu i’ch gweithlu i gyd?

Pwy bynnag yw’r person hwnnw, mae ef neu hi’n ymarfer yn rheolaidd fwy na thebyg. Y broblem yw, mae hynny’n ei wneud yn lleiafrif yng Nghymru. Mae lefelau isel o egni’n prysur droi’n epidemig cenedlaethol. Ac mae rhai’n dadlau ei fod yn gwneud difrod i’r economi yng Nghymru, gyda 3% o’r staff yn sâl bob amser.

Y broblem yw bod diffyg ymarfer yn gallu arafu’r corff, y meddwl a’r enaid. Ond gallech wneud iawn am hyn yn eich busnes drwy annog eich staff i fod yn fwy egnïol.

Dengys gwaith ymchwil bod gweithwyr yn llawer mwy cynhyrchiol, hyd at 15%, wrth ddechrau ymarfer yn rheolaidd. A phan maent yn gwneud hynny, byddant yn cymryd 27% yn llai o ddyddiau i ffwrdd am eu bod yn sâl.

Gyda rhaglen o weithgarwch corfforol yn eich gweithle, mae gennych siawns hefyd i wella proffil y cwmni. Mae Llywodraeth Cynulliad Cymru’n cydnabod busnesau proactif yn awr gyda’r Safon Iechyd Gorfforedig – felly drwy weithredu byddwch yn masnachu fel cyflogwr cyfrifol a blaengar.

Pa un ai’n ystyried perfformiad eich staff neu ddelwedd eich cwmni, gallai rhaglen ymarfer strwythuredig fod yn ateb addas i chi.

Os yw eich busnes angen hwb ychwanegol, gallai’r Cyngor Chwaraeon wneud gwahaniaeth.