• Amdanom Ni

Cydraddoldeb

Gweledigaeth Cyngor Chwaraeon Cymru ar gyfer Cydraddoldeb

Mae Cyngor Chwaraeon Cymru’n gwbl ymroddedig i sicrhau cydraddoldeb mewn chwaraeon a hamdden gorfforol. Mae Cynllun Cydraddoldeb y Cyngor Chwaraeon yn amlinellu ein dull proactif ni o weithio yn y maes hwn. Mae’n datgan ein hymroddiad i weithio tuag at sicrhau cydraddoldeb yn ein holl swyddogaethau, tra’n croesawu ysbryd o ddeddfwriaethau cydraddoldeb a chael gwared ar unrhyw ffurf ar wahaniaethu annheg.

Cynllun Cydraddoldeb CChC

Rydym yn credu’n gryf yn egwyddorion cydraddoldeb. Mae newidiadau diweddar i’r deddfwriaethau cydraddoldeb wedi rhoi mwy o gyfrifoldeb ar sefydliadau’r sector cyhoeddus i sicrhau eu bod yn mabwysiadu dull proactif o weithredu mewn perthynas â chydraddoldeb. O’r herwydd, mae’r Cyngor Chwaraeon yn hybu dull corfforedig o ddiweddaru ei Gynllun Cydraddoldeb a’r Cynllun Gweithredu cysylltiedig. Cydnabyddir mai cyfrwng yw’r cynllun i weithredu er mwyn bodloni dyletswyddau cyffredinol a phenodol. Yn y dyfodol, bydd y cynllun yn galluogi i CChC ddangos sut mae wedi ymgynghori, sut mae wedi gweithredu a’r canlyniadau mae wedi’u sicrhau.

Mae Cynllun Cydraddoldeb CChC yn gyfredol o Fedi 2009 ymlaen. Bydd Cynllun Gweithredu Cydraddoldeb CChC yn cael ei ddiweddaru bob mis Ionawr, Mai a Medi.

Am wybodaeth bellach, cysylltwch ag Emma Tobutt, yr Uwch-Swyddog ar gyfer Cydraddoldeb ac Amddiffyn Plant

Ffôn: 029 2033 8285 e-bost: emma.tobutt@scw.org.uk